粤海投資個背後大佬係廣東省政府，OK～咁就穩陣。佢話就話有6個業務，但最大就係賣東江水(佔總收入約59%)同內房(佔總收入約26%)。
咁先講賣水，主要有東深供水項目同埋污水處理及水利工程業務。 東深供水項目佔最大份，所以只需要睇佢就得。而東深供水項目最大舊就係賣俾香港ge東江水業務，所以就淨係講佢就算。東江水呢個業務就穩賺ge，能見度又高。
東江水業務有幾正? 第一、每年加價 (於 2021-2023 年三個年度，每年基本水價分別為 4,885,530,000 港元、4,950,510,000 港元及 5,016,350,000 港元。2021 年實際水價將凍結在 2020 年水平(即 4,821,410,000 港元)，這是香港受疫情影響的特別安排。)；第二、訂水有補底Volume (i.e. 2021 年至 2023 年每年最低供水量不少於 6.15 億噸)。你睇佢個revenue projection都知，有加無減。所以粵海派息都全靠呢個業務，就算2021/2022年業績差，佢好大機會唔減派就係呢個原因。
先講商場租賃管理，最大就係綠色個3舊。租賃呢D野，其實係Cash Cow業務一種，不斷provide recurring income。見佢就算係疫情時間，收入都無大變化，所以呢舊風險較低。最大問題反而係起樓個part (紅色個舊，售樓收入跌超過80%，OMG)。
一句講晒，上年賣77000 sqm，今年淨係賣到47000 sqm，售樓面積跌38%。
內房業務有幾慘? 睇下D樓好多都預售左年幾，但賣得出ge都無3成。所以股價點解跌咁多宜家知點解啦。
另外，市場都擔心仲有D project起緊架麻，咁持續要俾成本，擔心會影響到母公司GDI ge營運表現。
後記
老實講，派息今年就一定唔受影響，因為有東江水業務頂住，同埋間公司以往生意都唔差，有存到錢ge。
內房方面，差就一定架啦，行業問題。預售售部分有D令人擔心就係真ge。不過11月開始，政府出台左D救房企政策，至少大家憧憬內房行業轉向 (雖然我個人仲係唔樂觀，至少岩岩呢個星期繼續講緊房住不炒！)
粵海呢隻股票ge定位，你可以想像為Utilities + 內房。你可以當買左1/3隻內房股博下政策轉向，如果唔轉向又再價跌，你就當佢一隻高息股坐下，10%以上息就非常吸引呢。