【會計邏輯學】【I/S】損益表101

Source: How to analyze an income statement in less than 2 minutes

導讀

這文章目的不是在手把手教什麼是Income Statement (I/S)，而是在用最淺易的例子及字句，將I/S的核心邏輯指出。

前言

• 損益表是用來記錄收入/支出的，收入/支出包括現金及非現金。
• 損益表第一行收入，行內人習慣叫Top-Line；最後一行純利，行內人習慣叫Bottom-Line。
• 純利 = 收入 - 支出
• 收入及支出不論是現金及非現金(LHS)，一定會出現在I/S上，另一邊(RHS)出現在B/S還是C/S要視乎是屬於現金還是非現金項目。

【I/S】【B/S】【C/S】會計邏輯學: 總論

"新系列「財報世界」目的是介紹有關財務分析的基本邏輯同技巧，不算是十分新手向的系列。但對有基本財務知識的朋友，應該會有另一番啟發"。

前言

講會計之前，我地先用個人生活做例子。同錢有關ge，不外乎賺錢同洗錢。賺錢就係打份牛工; 洗錢就係買錶買包包? 交水電煤? 交書簿費? 買梳化電視電腦? 除左用現金找數，仲可以碌卡。咁以上講ge野，其實會影響收入及支出(買錶買包包/水電煤/買梳化電視電腦)。咁買左樣實物番黎，又代表資產變多。如果碌卡買，即係負債多左。應該都易明?

一個財務活動，會連動著3張報表。例如現金流量表最後個Cash會入落B/S(Balance Sheet)個Cash度；又例如損益表最後個PnL會入落retained earnings，即係B/S入面ge Equity部分。所以3張報表都用唔同ge方法連動著。

【周末輕鬆D】【會計邏輯學】導讀: 如何審視公司素質?

講點睇一間公司之前，不如用女士角度，點睇值唔值得同呢個男仔開始拍拖?

呀炳強表面上係一般人眼中的金融財俊，年紀輕輕就年薪破百萬，又有名車出入，又自己搬左出去住。佢宜家對美娟展開強烈追求。美娟就係心思慎密，係開始拍拖之前，了解緊炳強的素質再決定會否跟他拍拖。美娟主要從以下2方面了解:

1. 真實賺緊幾多錢?

1. 收入: 年薪百萬～正！咁往後會唔會加人工呢? 人工穩定性 (係靠Bonus定係底薪破百萬)? 人工持續性 (市道差會唔會被裁)? 以上問題亦要留意下炳強係做咩金融行業，如佣金高ge保險/地產經紀，定係底薪高ge銀行經理?

2. 非日常收入: 有股票投資? 有炒樓?

3. 日常支出:  年薪百萬，咁佢日常洗費點先? 租樓租金支出 vs 買樓供樓支出? 養車錢? 日常買多名牌衫? 經常出入高級餐廳?

4. 非日常支出: 換車? 買錶? 買包俾女仔?

5. 財務支出: 有無借錢買野先? 有無遲交卡數? 買股票係唔係用孖展? 買樓係唔係用按揭?

6. 要交幾多稅俾政府?

7. 實收現金: 賺過百萬，有幾多現金存到入銀行先? 假設買衫、買車等都係同工作相關，咁扣埋呢D支出，又實收幾多現金?

2. 資產負債情況?

1. 有咩資產?: 起佢底，由銀行有幾多現金、股票開始，睇埋佢揸咩車，住緊咩樓，平時戴緊咩錶，著緊咩名牌等。

2. D資產用咩途徑取得?: 即係，買以上ge野，係用自己錢，定係碌卡、問銀行借錢買番黎。

(A) 借錢而來?: 問邊度借? 樓做按揭定full paid左? 買車係上會定full-paid? 買錶係用現金定碌卡? 按揭、上會買車就歸類做長期借貸，咁如果咁岩撞正加息就還息壓力上升，如果連還息都牙痛咁聲，你就要留意。碌卡就係短期借貸，如果每月人工cover到，咁問題都唔太大，相反成日先駛未來錢做月光族，咁就要小心。

(B) 自有資金?: 佢係唔係有錢仔先? 屋企個底好厚所以買野可以一炮俾晒唔駛借? 定係佢係乖乖仔，搵到存到，好多私己錢可以買野?

 

後記

無架啦，去到呢到篇文就完架啦，明晒? 喂～又話講點睇一間公司ge。之後呢?

之後我地會用以上ge方向，審視下每一間香港「炳強」(主要由之前介紹過ge公司開始) 的素質如何。